Қызметкерлердің әлеуметтік қолдауы

«Амангелді Газ» ЖШС-нің қызметкерлеріне әлеуметтік қолдау көрсету ережелері акциялар пакеті «Самұрық-Қазына»ҰК меншігіндегі  Ұлттық даму институттарының, ұлттық компаниялардың  қызметкерлеріне және басқа заңды тұлғаларға әлеуметтік қолдау көрсету саясатына сәйкес әзірленген. 30.04.2009ж «Самұрық-Қазына» ҰК Басқармасының шешімімен бекітілген ережелер тиімді жұмыс үшін қолайлы жағдайлар жасауға, жоғары мамандықты қызметкерлерді шақыру және алдағы уақытта қызмет атқаруына жағдай жасау үшін арналған.

Ережелер «Амангелді Газ» ЖШС-нің штаттық құрамына кіретің қызметкерлердің бәріне таралады.

Материалдық жәрдем қызметкерлерге Серіктестіктің қаржысынан, Ережелерге сәйкес келесі жағдайларда төленеді:

• жыл сайынғы еңбек демалысы кезеңінде денсаулығын жақсарту үшін;
• сәбиді дүниеге әкелгенде немесе асырап алғанда;
• бірінші рет үйленген кезде;
• сәби бір жасқа толғанға дейін бағып күткенде;
• қызметкердің 50, 60 жасқа толған мерейтойына.