«Амангелді Газ» ЖШС бірінші жарты жылдықтағы жұмыстардың есебін берді

Бас директор (Басқарма төрағасы)  Еркен Касеев «Амангелді Газ» ЖШС-ның еңбек ұжымымен кездесуде 2017 жылғы бірінші жарты жылдықтағы қаржы-шаруашылық қызметінің қорытындылары бойынша есеп берді және компанияның қол жеткізген нәтижелері туралы айтты.

Ұлттық оператор «ҚазТрансГаз» АҚ-ның  еншілес кәсіпорны ретінде «Амангелді Газ» ЖШС қолданыстағы келісімге сәйкес Амангелді, Айрақты, Анабай, Жарқұм, Құмырлы, Үшарал – Солтүстік Үшарал, Кемпіртөбе кен орындарында және Бархан – Сұлтанқұдық, Құмырлы – Қосқұдық аумақтарында көмірсутегі шикізатын барлау және өндірумен айналысады.

Компания басшысы осы жылы «2017 – 2019 жылдар кезеңіндегі табиғи газды өңдеуді дамыту бағдарламасы» әзірленгендігін атап өтті. Есептік кезеңде 170 млн. м³ газ және 10,7 мың тонна газ конденсаты өндірілді. Газ және газ конденсатын өндіру көлемі бөлігінде өндірістік бағдарламаны орындау 102% және жоспар бойынша 107%, ал өткен жылғы ұқсас кезеңмен салыстырғанда 106% және тиісінше 104% құрады.

Осы жылы Амангелді кен орнында № 133 пайдалану ұңғымасы орналастырылып, бұрғыланды (тәулігіне 40 мың текше метр дебиттен аса), № 134 пайдалану ұңғымасымен бұрғылау жұмыстары басталды. Айрақты кен орнында № 101 пайдалану ұңғымасы бұрғыланды, ал ГЖП технологиялық регламенті әзірленді. Жылдың басында басталған Газ жинау пункті мен 2 ұңғымадағы газды жинау жүйесін орналастыру бойынша жұмыстар қазіргі кезде аяқталуға жақындап қалды. Батыс Сұлтанқұдық құрылымында тереңдігі 4500 м дейін №R-1 тәуелсіз бағалау ұңғымасы бұрғыланды және №R-1 ұңғымасы 2 объектіде сыналды. Бұдан басқа, Бархан құрылымында № 1 ұңғымадағы ГТП кейін нижневизейский көкжиегін сынау бойынша жұмыстар жүргізілді,  сұйықтықты газ ағымын алынды.

«Амангелді Газ» ЖШС-ның Бас директоры Еркен Касеев ағымдағы жылдың аяғына дейін орындалатын алдағы жоспарлар туралы әңгімеледі және қызметкерлердің сұрақтарына толық жауап берді.